Еркін күрестен Қазақстан командасының үздігі Азамат Дәулетбеков UWW рейтингінде бірінші орынға шықты, деп хабарлайды Sportbugin.kz.
86 келі салмақта ел намысын қорғайтын Азамат Бішкектегі Азия чемпионатынан кейін рейтинг тізгінін қолға алды.
Ол 52 400 ұпай жинаған. Екінші орында әлем және Олимпиада чемпионы, америкалық Дэвид Тейлор тұр. Тейлордың еншісінде 45 000 ұпай бар.
Үздік үштікті Сан-Марино өкілі Амин Майлз 44 000 ұпаймен тұйықтап тұр.
Айта кетелік, Азамат Дәулетбеков қатарынан үш дүркін Азия чемпионы атанды. Ол екі әлем чемпионатында қола медаль алған.