Өзбекстандық Olamsport.com сайты боксшы Баходир Жалоловтың басты қарсыластарына тоқталды, деп жазады Sportbugin.kz.
Әрине, қазақ боксшысы Қамшыбек Қоңқабаев басты қарсыластар тізімінде бар. Бірақ өзбекстандық басылым Жалоловтың жеңетініне сенімді.
«Осыдан бірнеше жыл бұрын Қоңқабаев мықты қарсылас саналатын. Алайда, 2019 жылдан бері тек Жалолов жеңіп келе жатыр. Есеп — 7:3, Баходирдің пайдасында.
Соңғы рет екі боксшы Азия ойындарының финалында кездесіп, Жалолов жеңіске жеткен», — деп жазды сайт.
Айта кетелік, Қамшыбек Қоңқабаев әлем чемпионатының күміс, Токио Олимпиадасының қола жүлдегері.