Freedom QJ League жасөспірімдер футбол лигасында өнер көрсеткен қос ойыншы ұлттық құрама кеңейтілген тізіміне енді, деп жазады Sportbugin.kz.
Футболдан Қазақстан ұлттық құрамасы бас бапкерінің міндетін атқарушы Әли Әлиев әлем чемпионатының іріктеу кезеңіне шақырылған ойыншылардың кеңейтілген тізімін жариялады.
Бұл тізімде Freedom QJ League-да сынға түскен екі футболшы бар. Олар — «Қайрат» шабуылшысы Дастан Сәтпаев және «Атыраудың» экс-ойыншысы, қазір даниялық «Кеге» сапында доп теуіп жүрген Дулат Талыспаев.
Айта кетелік, Дастан Сәтпаев лондондық «Челсимен» келісімшарт жасасты. Ол 18 жасқа толған соң Тұманды Альбионға аттанбақ.