Бокстан Сербияның Ниш қаласында өтіп жатқан әйелдер арасындағы әлем чемпионатын Қазақстан командасы жеңіспен бастады, деп жазады Sportbugin.kz.
Шаршы алаңға алғаш боп шыққан Алуа Балқыбекова (50 келі) кениялық қарсыласын айқын басымдықпен ұтты.
Төрешілердің барлығы жеңісті 5:0 есебімен Алуаға берді. Қазақстандық боксшы кездесу барысында қарсыласын нокдаунға жіберіп үлгерді.
Осылайша, Балқыбекова әлемдік доданың келесі айналымына өтті.
Сондай-ақ, бүгін аса ауыр салмақтағы Елдана Тәліпова рингке көтеріледі.