Бокстан Қазақстан құрамасының мүшесі Сабырхан Төрехан Атырау облысына ауысты. Бұл туралы боксшы өзінің желідегі парақшасында хабарлады, деп жазады Sportbugin.kz.
«Ассалаумағалейкум, Қазақ елі!
Бір маңызды жаңалықпен бөлісейін деп ем. Мен бұдан былай Атырау облысының намысын қорғаймын! Маған мұндай мүмкіндік берген Атырау облысы бокс федерациясының басшысы Бауыржан Каримовке алғыс айтқым келеді.
Барлықтарыңыз білесіздер, осыған дейін мен Түркістан облысының намысын қорғап, осы күнге дейінгі қол жеткізген жеңістерімді осы өңірдің боксшысы ретінде тіркедім. Ол үшін киелі Түркістан облысы федерация өкілдеріне рақмет айтамын.
Құрметті жанкүйер, мен алда ел ішінде Атырау намысын қорғағаныммен, сыртты бүкіл елдің, Қазақтың намысын қорғаймын!»,- деп жазды Төрехан.
Төрехан Сабырхан жақында Болгарияда өткен «Странджа» турнирінде топ жарған болатын.