Бокстан Сербияда аяқталған әйелдер арасындағы әлем чемпионатында Қазақстан құрамасы 3 алтын, 2 күміс және 1 қола медаль жеңіп алды. Бас бапкер Елдос Сайдалин аса ауыр салмақтағы Елдана Талипованың кездесуіне қатысты ойын айтты, деп жазады Sportbugin.kz.
+81 келіде жұдырықтасқан Елдана финалда қытайлық қарсыласына жол беріп, күміс медаль еншіледі.
«Бірінші раундта Талипова қарсыласын нокдаунға жібергендей көрінген. Бірақ төреші мән бермеді.
Жалпы кездесуге келер болсам, Елдана бірінші раундты жақсы өткізді. Алайда, қалған екі раундтағы өнері көңілімнен шықпады»,- дейді Сайдалин.
Еске салайық, жалпы командалық есепте Қазақстан Ресейді алға жіберіп, екінші орын иеленді.
Фото: Нұрғали Жұмағазы, Спортты дамыту дирекциясы