Ауыр атлетикадан әлем чемпионы Жасұлан Қыдырбаевтың келіншегі, боксшы Меруерт Қыдырбаева тойдан кейін күйеуін 8 ай бойы көрмеген. Бұл туралы ол Aqyrys Seitqazy YouTube арнасында айтты, деп жазады Sportbugin.kz.
Айтуынша, ұзатылуы желтоқсан айының бірі болып, той 2012 жылдың 12 желтоқсанында өткен.
– Үйлену тойымызды 12.12.12 деп белгіледік. Жылдың басында Жасұлан жаттығу жиынына кетті. Жаңа түскен келінмін, ата-енемнің қасында қалғанмын. Сонда Жасұланды 8 ай көрмедім. Екі жылдың ішінде ол тек бір аптаға келіп-кетіп жүрді. Әскерге кеткендей болды. Екеуміз де спортта болған соң, жаттығу жиынында жүру қалай екенін жақсы білемін. Тіпті, ол үлкен қызымыз Мәриямның дүниеге келгенін, бір жасқа толғанын көрмеді, – дейді ол.
Меруерт Қыдырбаеваның айтуынша, Жасұлан үйдің жалғыз ұлы. Оның бір ғана әпкесі бар. Олардың отбасын құрғанына 12 жылдан асқан.
– Папа, мамаммен бірге тойға барып, мамамен моншаға барып жүрдік. Маған еш қиындық туғызбады. Енемді ене деп айта алмаймын, Білмеймін, мен үшін ауыр айтылатын секілді. Ол – өмірдегі менің екінші анам, «мама, мама», – дейді Меруерт Қыдырбаева.