Греек-рим күресінен Иордания астанасы Амманда басталған Азия чемпионатында Ибрагим Магомадов пен Шамиль Ожаев қола жүлдеге қол жеткізді, деп хабарлайды Sportbugin.kz.
Қарағандылық Ибрагим Магомадов өзбекстандық балуанға жол беріп, қола медаль үшін күресте иорданиялық қарсыласын жеңді. Осылайша, Ибрагим құрлық додасының қоласын еншіледі.
Ал 87 келідегі ресейлік легионер Шамиль Ожаев жартылай финалда өзбек балуаны Жалғасбай Бердімұратовтан ұтылды. Қола медаль үшін күресте Ожаев кореялық спортшыны жеңді.
63 келідегі Сұлтан Әсетұлы мен 55 келідегі Ербол Камалиев қола медаль үшін күресте жеңіліп, бесінші орынды қанағат етті.
Фото: Спортты дамыту дирекциясы