Бразилияда өтіп жатқан бокстан әлем кубогында тағы екі қазақстандық боксшы жеңіліске ұшырады, деп жазады Sportbugin.kz.
Ерлер командасынан Талғат Сырымбетов (60 келі) бірінші айналымда жеңіліп қалды. Ол жергілікті боксшыға есе жіберген.
Қыздар арасында Анита Адишева (54 келі) польшалық қарсыласына 0:5 есебімен жол берді.
Ал Даниял Сапарбай (+90 келі) үнділік боксшыны 3:2 есебімен жеңді.
Бүгін шаршы алаңға Нұрсұлтан Алтынбек (55 келі), Дархан Дүйсебай (70 келі), Диас Молжігітов (80 келі) және Жазира Орақбаева (51 келі) шығады.