BANGKOK, THAILAND - MAY 17: Cafu gives an interview after the 74th FIFA Congress at the Queen Sirikit National Convention Center (QSNCC) on May 17, 2024 in Bangkok, Thailand. (Photo by Pakawich Damrongkiattisak - FIFA/FIFA via Getty Images)
Футболдан әлемнің екі дүркін чемпионы, бразилиялық Кафу Алматыға келді, деп хабарлайды Almaty.tv.
Ол Шымбұлақ пен Медеуге барып, жанкүйерлерімен естелік суретке түскен. Сондай-ақ спортшы Алатаудың баурайындағы мың жылдық тарихы бар әсем қала – Алматының табиғаты мен оның қонақжайлығына тәнті болған. Бұл туралы ол Almaty.tv арнасының Таңғы STUDIO бағдарламасында берген эксклюзивті сұхбатында айтып берді.
«Менің Алматыға бірінші рет келуім. Өте қуаныштымын, бәрі ұнап жатыр. Әсіресе маған көрсетіліп жатқан құрмет, қонақжайлылық тіпті ғажап. Кеше Алматының тауына барып үлгердім. Өте тамаша екен!» – деді Кафу.
Айта кетейік, Кафу – екі дүркін Әлем чемпионы, әлем чемпионатының үш финалында ойнаған тарихтағы жалғыз футболшы, УЕФА Чемпиондар лигасының жеңімпазы, Либертадорес кубогының және Құрлықаралық кубоктың екі дүркін жеңімпазы, Бразилия чемпионы және екі дүркін Италия чемпионы.