Бокстан әлем чемпионы Махмұд Сабырхан кәсіби бокс кеші қарсаңында журналист Қанат Байұзақовқа сұхбат берді, деп жазады Sportbugin.kz.
Спортшы World Boxing ұйымындағы салмақ дәрежелерінің өзгеріп, Сәкен Бибосыновпен бір салмаққа түсуіне қатысты ойын айтты.
«Иә, World Boxing ұйымына ауысқалы бері салмақтар санаты өзгерді. Енді Сәкен Бибосынов та 55 келіге көтеріледі деп естідім. Бұған дейін 2019 жылы Президент кубогының финалы (Сәкен 3:2 есебімен жеңді) мен 2020 жылы Қазақстан чемпионатының финалында (Махмұд 4:1 есебімен басым түсті) тартысты жекпе-жек ұсынған едік. Кім мықты, сол әлем чемпионаты мен Олимпиадаға барады. Бұл салмақта Сәкеннен де басқа мықтылар бар екендігін де ұмытпаған жөн», — деді Махмұд.
Айта кетелік, Махмұд Сабырхан 5 сәуір күні өтетін бокс кешінде колумбиялық Николас Тордесильямен айқасады.