9-13 күндері Ақтөбе қаласында есту қабілеті зақымданған спортшылар арасында үстел теннисінен Қазақстан біріншілігі өтті, деп жазады Sportbugin.kz.
Чемпионатқа еліміздің 9 өңірінен 80-ге жуық спортшы қатысты. Теннисшілер жекелей, жұптық, аралас және командалық сында бақ сынады.
Жарыс қорытындысы бойынша Қостанай облысы командалық есепте топ жарды. Екінші орынды Астана, үшінші сатыны Алматы қаласының спортшылары иеленген.
Қазақстан біріншілігінің қорытындысы бойынша үздік атанған спортшылар Жапония астанасы Токио қаласында өтетін Сурдлимпиада ойындарына іріктеледі.