4–10 шілде аралығында Астанада ауыр атлетикадан жасөспірімдер мен жастар арасындағы Азия чемпионаты өтеді,деп хабарлайды Sportbugin.kz.
Құрлықтың ең үздік жас спортшыларын жинайтын бұл байрақты дода елорданың «Qazaqstan» спорт кешенінде ұйымдастырылады.
Ауыр атлетика федерациясының мәліметіне сәйкес, чемпионатқа 27 елден 450-ден астам спортшы қатысады деп жоспарлануда. Жарыс барысында U17 және U20 жас санаттарындағы спортшылар арасында жүлделер сарапқа салынады.
Қазақстан сапынан 36 жас атлет сынға түседі. Олар ел намысын абыроймен қорғап, құрлықтық деңгейде топ жаруға тырысады.
Аталған чемпионат — жас спортшылар үшін халықаралық тәжірибе жинап, келешек ірі турнирлерге жолдама алуға үлкен мүмкіндік. Сонымен қатар бұл дода Қазақстанда ауыр атлетиканың дамуы мен болашағы үшін де маңызды қадам болмақ.
Венера Умирзакова
About the Author
