Кеше Шымкенттің қақ ортасында болған төбелестен 1985 жылы туылған Василий Колесников қайтыс болды. Ол жергілікті бапкер, грек-рим күресінен әлем чемпионатының жүлдегері Александр Колесниковтің ұлы, деп жазады Sportbugin.kz.
Шымкентте жолдың бойында болған қанды қақтығыс бүкіл Қазақстан жұртын дүр сілкінтті. Пышақтасқан жігіттердің видеосы әлеуметтік желіде тез таралып, екі адамның ауыр жарақаттанғаны, ал бір адамның қаза тапқаны расталды.
Күдіктілер 40 жастағы Василий Колесниковтің денесін Ордабасы ауданы Темірлан ауылындағы аурухананың ауласына тастап кеткен.
Бүгін марқұм болған ер азаматтың грек-рим күресінен белгілі бапкер, ардагерлер арасындағы әлем чемпионатының үш дүркін жүлдегері Александр Колесниковтің ұлы екені анықталды.
Александр Колесников ММА-шы Бекзат Жассия мен өзбекстандық Олимпиада жүлдегері Елмұрад Тасмұрадовқ бапкерлік еткен.
Шәкірттері Александр Колесниковтің жақсы адам екенін айтуда. Ұлының қазасы оған қатты ауыр тиген. Бүгінде спорт жанашырлары тек қана зейнетақыға күн көретін ардагер бапкердің жағдайына алаңдаулы.
About the Author
