Еркебұлан Кешубаев еркін күрестен U-23 жастар құрамасының аға жаттықтырушысы болып тағайындалды, деп жазады Sportbugin.kz.
Еркебұлан Нұрланұлы – Қазақстан Республикасының еңбек сіңірген жаттықтырушысы, спорт шебері, осы салада 20 жылдан астам тәжірибесі бар білікті маман. Ол әр жылдары Алматы қаласының, сондай-ақ Қазақстан Республикасының жасөспірімдер мен жастар құрамаларының аға жаттықтырушысы қызметтерін атқарды.
Жаттықтырушының жетекшілігімен Әлем, Азия чемпионаттары мен халықаралық турнирлердің жеңімпаздары мен жүлдегерлері тәрбиеленді. Оның шәкірттері арасында әлем чемпиондары, Азия чемпиондары және Қазақстанның бірнеше дүркін чемпиондары бар.
Жаңа қызметінде Еркебұлан Нұрланұлының алдына U-23 құрамасының халықаралық аренадағы бәсекеге қабілеттілігін арттыру, жас балуандардың сабақтастығын қамтамасыз ету және ұлттық құраманың резервін күшейту міндеттері қойылып отыр.
About the Author
