Қырғызстандық атақты балуан Айсұлу Тыныбекова 2028 жылы өтетін Олимпиада ойындарына қатысамын деді, деп хабарлайды Sportbugin.kz.
Бұл туралы ол Бішкекте өтіп жатқан Азия чемпионаты барысында айтты.
«2028 жылғы Олимпиада ойындарында бақ сынаймын. Спортқа қайта ораламын», — деді тәжірибелі спортшы.
Айта кетейік, Тыныбекова Париж Олимпиадасы 2024 аяқталғаннан кейін спорттық мансабын уақытша тоқтатқан болатын. Аталған бәсекеде ол қола жүлдеге ие болып, үздік үштіктен көрінді.
Осы уақыт аралығында ол Қырғызстан күрес федерациясының вице-президенті қызметін атқарып, отбасын құрып, ана атанды.
Енді тәжірибелі балуан алдағы Олимпиадаға қатысу үшін іріктеу кезеңдерінен өтіп, лицензия жеңіп алуды мақсат етіп отыр.
About the Author
