Қазақстан шахмат федерациясы Offside.kz порталына Бибісара Асаубаеваның қаржыландырылуына қатысты резонанс тудырған мәлімдемелерден кейін түсініктеме берді, деп жазады Sportbugin.kz.
Федерацияның мәліметінше, спортшыға ең жоғары деңгейдегі қолдау көрсетілуде: 2023–2026 жылдар аралығында оған шамамен 388 миллион теңге бөлінген.
«Барлық спортшылардың ішінде ең үлкен қаржылық қолдауды Бибісара Асаубаева алады. 2023-2026 жылдар аралығында шахматшыға бөлінген қаражаттың жалпы көлемі шамамен 388 млн теңгені құрайды.
Тікелей гранттар мен сыйақылар ретінде: 2023 жылы — 95 млн теңге және 28 млн теңге сыйақы, 2024 жылы — 70 млн теңге және 20 млн теңге сыйақы, 2025 жылы — 70 млн теңге бөлінген.
Бұл ұлттық құраманың басқа спортшыларына берілетін қаржыландыру көлемінен (шамамен 50-70 млн теңге) орта есеппен 3-5 есе көп.
Айта кету керек, 2026 жылы жалпы 105 млн теңге бөлінген. «Алтын пакет» көлемі 40 млн теңгеге дейін ұлғайтылды, сондай-ақ Қазақстан шахмат федерациясы президентінің гранты -40 млн теңге. Барлығы — 80 млн теңге.
2025 жылдың желтоқсанында блицтен әлем чемпионатындағы жеңісі үшін спортшыға 25 млн теңге сыйақы берілген. Сондай-ақ турнир қорытындысы бойынша жеке бапкеріне 10 млн теңге төленген.» — деп мәлімдеді Қазақстан шахмат федерациясы.
About the Author
