Бокстан Қазақстан ұлттық құрамасының бас бапкері Нұржан Насанов Азия ойындарына баратын құрам туралы пікір білдірді, деп хабарлайды Sportbugin.kz.
«Алдағы жоспар бойынша екі жаттығу жиыны бар, кейін Қытайдағы Әлем кубогінің алғашқы кезеңі болмақ. Дайындық кезеңінің қорытындысы бойынша құрам жасақтаймыз. Жаңа салмаққа ауысқан боксшылар баруы әбден мүмкін. Әрі қарай дайындықтың төртінші кезеңі басталады. Бұл кезеңнің қорытындысы — Жапониядағы Азия ойындары болмақ.
Аталған кезең аясында Америка Құрама Штаттарында, Жапонияда жаттығу жиындарымыз бар. Содан кейін ғана біз Азия ойындарына құрамды жариялай аламыз. Бапкерлік кеңес барлық мәселені жан жақты қарастырып, шешім шығарады», — деді бас бапкер.
Айта кетейік, Жазғы Азия ойындары 19 қыркүйек пен 4 қазан аралығында Жапонияда өтеді.
About the Author
