Бүгін шаршы алаңға шыққан 8 боксшының бесеуі жеңіске жетіп, жартылай финалға жолдама алса, үшеуі жарыс жолынан шығып қалды.
60 келідегі Виктория Графеева оңтүстіккореялық Иеонжи Охпен кездесіп, 5:0 есебімен жеңіске жетті. Осы нәтижеден кейін Виктория жартылай финалға өтті.
Ең жеңіл салмақтағы Санжар Тәшкенбай қырғызстандық Анваржан Ходжиевпен қолғап түйістіріп, 5:0 есебімен басым түсті. Санжар да жарыстың келесі кезеңіне жолдама алды.
70 келідегі Абылайхан Жүсіпов өзбекстандық Шавкатжон Болтаевты 5:0 есебімен жеңіп, жартылай финалға шықты.
65 келіде Аида Әбікеева АҚШ өкілі Марие Росендомен жекпе-жек өткізіп, жеңіске жетті. Аида аталған салмақта жартылай финалға жолдама алды.
Аса ауыр салмақта Айбек Оралбай ағылшындық Мэтью Уильямспен кездесіп, 5:0 есебімен жеңіске жетті. Айбек те турнирдің жартылай финалына өтті.
Ал 70 келідегі Лаура Есенгелді, 75 келідегі Тимур Нұрсейітов және 51 келідегі Алуа Балқыбекова қарсыластарына есе жіберіп, жарыс жолынан шығып қалды.
Ертең, 20 маусым күні әлем кубогінің жартылай финалы өтеді. Бұл кезеңге Қазақстан құрамасынан жалпы саны 8 спортшы өтті.
Сымбат Бердіханқызы
About the Author
