Еркін күрестен мамыр айында өткен Қазақстан кубогының 92 келі салмақтағы жаңа жеңімпазы анықталды, деп хабарлайды Sportbugin.kz.
Бұған дейін Қазақстан күрес федерациясы ел чемпионы Омар Жұмаштың допинг-бақылау рәсіміне белгіленген уақытта келмегенін және допингке қарсы ұйым өкілдеріне құрметсіздік танытқанын ресми түрде мәлімдеген еді. Осыған байланысты балуан бір жыл мерзімге барлық жарыстардан шеттетілді.
Аталған шешімнен кейін Қазақстан кубогының қорытындысы қайта қаралып, 92 келі салмақтағы жеңіс Бекзат Аманғалиға берілді.
Бұл туралы Атырау облыстық күрес түрлері федерациясы ресми мәлімдеме жасап, Бекзат Аманғалиды Қазақстан кубогының жеңімпазы деп танығанын хабарлады.
Федерация өкілдерінің айтуынша, бұл — спортшының ұзақ жылғы еңбегі мен маңдай терінің лайықты жемісі.
About the Author
