Қазақстан бокс федерациясының бас хатшысы Самат Адхам боксшылардың Азия ойындарына дайындығы туралы айтты, деп жазады http://Sportbugin.kz.
Бас хатшының айтуынша, команда Азия ойындарына дайындықты тыңғылықты жүргізіп жатыр.
“Дайындық жақсы өтіп жатыр. Боксшыларымыз АҚШ-та негізгі жаттығуларын аяқтап, кәсіпқой боксшылармен спаррингтер өткізді.
Тамыз айының ортасында Алматы облысының Жанашар ауылында тағы бір оқу-жаттығу жиыны өтеді. Оған ағайынды Камачолар және АҚШ құрамасы келеді. Бірге спаррингтер өткізіп, арнайы дайындық жұмыстарын жүргізеді.
Қыркүйек айының басында құрама Жапонияға ұшады. Ол жақта 10 күндей жаттығу өткізіп, кейін Азия ойындары басталады.
Ерлер құрамасының тізімі әзірге белгісіз. Бас бапкер Жапонияға барғаннан кейін құрамды жариялайтын шығар деп ойлаймын”, – деді Самат Адхам.
About the Author
