Айдар Шәрібаев боксшылардың сыйақысына қатысты Қазақстан бокс федерациясына сауал жолдады, деп жазады Sportbugin.kz.
Ол Дубайдағы әлем чемпионатынан кейін қазақстандық боксшыларға тиесілі сыйақының төленуіне қатысты бірқатар маңызды мәселені көтерді.
«IBA ережесіне сәйкес, боксшыларға тиесілі 50 пайыз сыйақы толық төленді ме? Жаттықтырушыларға қарастырылған 25 пайыз қаржы берілді ме? Федерацияға тиесілі 25 пайыз қаражат түсті ме және оның жалпы сомасы қанша? Федерация өз қаражаты немесе демеушілер есебінен әлем чемпиондары мен жүлдегерлеріне қосымша сыйақы қарастырды ма? Барлық қаражат аударылған болса, федерация қанша қаражат түскенін жариялауға дайын ба?
Ең басты сұрақ: боксшылар өз міндетін орындап, ел намысын абыроймен қорғады. Енді оларға тиесілі сыйақы неге уақытында берілмейді және оның төленуіне кім жауапты?» — деп қосты Шәрібаев.
Айта кетейік, бұған дейін IBA өкілі қазақстандық боксшыларға тиесілі сыйақының федерацияға аударылғанын айтқан болатын.
About the Author
