Бекасыл Асамбек Словакияда өтіп жатқан U20 әлем чемпионатының күміс жүлдегері атанды, деп жазады Sportbugin.kz.
Еркін күрестен 61 келіге дейінгі салмақта сынға түскен отандасымыз финалда АҚШ өкілі Аарон Дж. Сейделмен белдесті. Алтын жүлде үшін өткен тартыста Бекасыл қарсыласына 0:7 есебімен есе жіберді.
Бекасыл Асамбек жарыстың алғашқы белдесуінде Қытай өкілі Анчао Луды 10:0 есебімен жеңді. Кейін 1/8 финалда Украина балуаны Артем Тисногуздан, ширек финалда Ресей өкілі Зелимхан Чаниевтен басым түсті.
Ал жартылай финалда Жапония өкілі Ицуки Йонаширомен кездесіп, қарсыласын 3:1 есебімен жеңді. Осылайша, қазақстандық балуан әлем чемпионатының финалына жолдама алды.
Айта кетейік, ақтық сын алдындағы демалыс кезінде Қазақстан күрес федерациясының президенті Еркін Оқасов Бекасыл Асамбекке арнайы барып ақ жол тілеп, қолдау көрсеткен болатын.
Алайда шешуші белдесуде қазақстандық балуан АҚШ өкіліне жол беріп, әлем чемпионатын күміс жүлдемен аяқтады.
About the Author
