Қазақстан бокс федерациясының бас хатшысы Мерей Ақшалов «Странджа» турнирінде жарақат алған Санжар Тәшкенбай мен денсаулығы сыр берген Махмұд Сабырхан жайлы айтты, деп хабарлайды Sportbugin.kz тілшісі.
«Санжардың саусағы сынды ма деген қауіп болған. Қуанышқа қарай, саусағы шығып кетіпті. Қазір орнына салып берді мамандар. Көп ұзамай, жаттығуға кірісуі керек.
Ал Махмұд Сабырханның жарыстан сырт қалуына өзіндік себептер бар. Ол 57 келіден 54 келіге салмақ қуды. Сол кезде ағзасына күш түсіп, шаршап қалған. Махмұдтың «Странджа» турнирінде жұдырықтаспауының басты себебі — осы», — деді Ақшалов.
Еске салайық, бұған дейін бас хатшы Болгариядағы турнир сапасының төмен болғанын жеткізген еді.