Фристайл-акробатикадан әлем кубогының бірнеше дүркін жүлдегері, Олимпиада ойындарының қатысушысы Жанбота Алдабергенова америкалық азаматпен қарым-қатынаста екенін мәлімдеді. Бұл туралы спортшы Instagram парақшасында хабарлаған.
«Сіздерді күйеу жігітпен таныстырғым кеп тұр. Оның аты — Джесси, АҚШ азаматы. Қазақстанға келгенге дейін ислам қабылдады (мен үшін үлкен қадамға барғанын мақтанамын). Біз кездейсоқ таныстық. Америкада қалу үшін сол жақтың адамымен танысу туралы мақсаат болған емес. Олай ойламаңыздар. Сонымен, менде осындай жаңалық. Қазақ еліне + 1 АҚШ мұсылманы», — деп жазды Алдабергенова.
Айта кетелік, Жанбота Алдабергенова 2014 жылғы Сочи Олимпиадасындаа 6-орынға табан тіреген болатын.