Отандық миллиардер, Forbes нұсқасы бойынша Қазақстандағы беделді 5 бизнесменнің қатарына енетін Нұрлан Смағұловты желі қолданушылары қатаң сынға алды. Бұған миллиардердің «Қайрат» қақпашысы Темірлан Анарбековке айпад сыйлағаны себеп болған, деп жазады Sportbugin.kz.
Бүгін Нұрлан Смағұлов «Қайраттың» бас бапкері Рафаэль Оразбахтинге Hyundai palisade көлігін сыйға тартты. Ал матч соңында үш пенальтиді қайтарып, жанкүйер сүйіктісіне айналған қақпашы Темірлан Анарбековке айпад сыйға тартқан. Еліміздегі беделді байлардың қатарына кіретін Смағұловтың сараңдығына көпшілік қапа болды.
«Ақ шляпа киген ағам «Форбс» тізімінен түспейді. Еліміздегі «Мега центрдің» бәрі осы кісінікі. Мініп жүрген “отандық” көліктің бәрі осы кісінікі. Ол аздай Тойота, Лексус, БМВ, Хавал сияқты шетелдік брендтердің ресми дистрибьюторы болып алған. Қысқасы қаржысы қалтасына сыймай жатыр. Байлығы бес облыстың бюджетін басып озады. Бірақ сәл сараңдау сияқты. Бүгін «Қайрат» клубының бас бапкеріне көлік мінгізіпті. Ал 120 минутта жұлдызы жанып, командасына жеңіс сыйлаған қақпашы Темірлан Анарбековке айпад беріпті. Айпадты мен-ақ бере салар едім ғой. Нұрлан көкем Темірланға толып жатқан темір тұлпарының бірін қимай қалыпты. Жылына 45 мың көлік құрастырамыз деп бөскенд,е бөркі көкке жетеді. Бір кем дүние ай. Берсең екеуіне де бер, бермесең тымырайып жата берсеңші…», — деп жазды журналист Диас Нұрақын.
2022 жылғы дерек бойынша, Нұрлан Смағұловтың байлығы 750 млн АҚШ долларын құраған.
About the Author
