Танымал бапкер Тұрсынғали Еділов бокстан Әлем кубогының қорытындысына қатысты өз пікірін білдірді, деп хабарлайды Sportarena.kz сайтына сілтеме жасаған Sportbugin.kz.
«Әлем кубогын жүлдесіз аяқтағандардың қатарында Нұрбек Оралбай мен Сабыржан Аққалықов та бар. Екі боксшы да әлем чемпиондары саналатын өзбекстандық қарсыластарына есе жіберген.
Оралбай Тұрабек Хабибуллаевтан әділетті түрде жеңілді. Қарсылас осы салмаққа үйренген. Бірақ оны қатты сынаудың қажеті жоқ. Ол жаңа салмақ дәрежесіне енді ғана бейімделіп жатыр және бұл салмақта өз мүмкіндігін толық көрсете алады.
Ал Сабыржанға келсек, менің ойымша, ол Жавохир Умматалиевті жеңген еді. Азия ойындарында да ол осы қарсыласынан басым түсуге толық қабілетті», — деді Еділов.
Айта кетейік, бұған дейін де тәжірибелі маман Нұрбек Оралбайдың жекпе-жегіне баға беріп, оның шаршаңқы көрінгенін айтқан болатын. Сондай-ақ боксшының жіберген қателіктеріне жеке бапкерімен бірге мұқият жұмыс істеу қажет екенін атап өткен.
About the Author
