Боксшы Абылайхан Жүсіпов 2025 жылғы әлем чемпионатына дайындық барысында жертөледе жаттыққанын мәлімдеді, деп жазады Sportbugin.kz.
Бұл туралы ол журналист Қанат Байұзақовқа берген сұхбатында әңгімеледі.
«2025 жылы Қазақстан чемпионаты мен әлем чемпионатының алдында Астанадағы жайлы жаттығу залын тастап, арнайы Шахтинскке бардым. Дайындығым нәтижелі болды. Жертөледе жаттығу мінезді шыңдап, назарды өзге жаққа бұрмауға мүмкіндік береді. Соның нәтижесінде екі жарыста да алтын медаль жеңіп алдым», — деді Абылайхан Жүсіпов.
Боксшының айтуынша, мұндай шешім оның дайындығына оң әсер етіп, мінезін шыңдауға және бар назарын тек жаттығу процесіне аударуға мүмкіндік берген.
About the Author
