«Қайраттың» қақпашысы Темірлан Анарбеков Чемпиондар лигасы іріктеу кезеңінің қарымта матчында команданың басты қаһарманы атанды, деп жазады Sportbugin.kz.
Алматыда өткен кездесуде «Қайрат» кипрлік «Омонияны» негізгі уақытта 1:0 есебімен жеңіп, екі матч қорытындысындағы есепті теңестірді. Жеңімпаз пенальти сериясында анықталды.
Ал матчтағы жалғыз голды екінші таймда алаңға шыққан Эдмилсон соқты.
Шешуші сәтте Темірлан Анарбеков Балковец пен Панайотудың соққыларын қайтарып, «Қайраттың» 6:5 есебімен жеңіске жетуіне және Чемпиондар лигасының үшінші іріктеу кезеңіне шығуына үлкен үлес қосты.
Енді алматылық клуб келесі кезеңде Болгарияның «Левски» командасымен кездеседі.
Айта кетейік, Темірлан Анарбеков бұған дейін «Селтикке» қарсы пенальти сериясында үш соққыны қайтарып, «Қайраттың» өз тарихында алғаш рет Чемпиондар лигасының топтық кезеңіне шығуына көмектескен еді.
About the Author
