
25 ақпан күні Алматыда күрес түрлерінен PWL-8 турнирі өтіп, жеңімпаздар анықталды. Бұл күні кілемге шыққан үш қазақ балуанының біреуі ғана жеңіске жетті, деп жазады Sportbugin.kz.
Айта кетер болсақ, 86 келідегі Азамат Дәулетбеков Токио Олимпиадасының финалисті Мохамедхабиб Кадимагомедовтен басым түсті.
Жәмила Бақбергенова 78 келі салмақта белдесіп, қырғыз күресінің жұлдызы Айпері Медетқызынан ұтылды.
Ал кештің басты белдесуінде қазақтан шыққан тұңғыш әлем чемпионы Ризабек Айтмұхан әйгілі балуан, Олимпиада чемпионы, үш дүркін әлем чемпионы Кайл Снайдерден жеңілді.
Бұл белдесуде Ризабектің жастығы үлкен роль ойнады.
«Ризабек жақсы әрі жас спортшы. Оның болашағы алда», — деді Снайдер белдесуден соң.
Айта кетелік, бұл турнир Қазақстанда осымен екінші рет өтуде.