45kg GR - Kuanyshbek Zhangazhol (KAZ)
Грекияның Афина қаласында өтіп жатқан күрестен 17 жасқа дейінгі балуандар арасындағы әлем чемпионатында «классиктер» жарысты аяқтады. Бұл туралы Sportbugin.kz хабарлайды.
Аталған сында грек-рим күресінен Қазақстан құрамасы 113 ұпаймен жалпы есепте үшінші орынға жайғасты.
Бірінші орынды Иран (125), екінші орынды Өзбекстан (118) иеленген.
Біздің команда сапында Қуанышбек Жаңажол (45 келі) әлем чемпионы атанды. 48 келіде Нұрдәулет Құмарұлы, 55 келіде Нұрәли Асқар күміс медальға қол созды.
Досбол Шәміл (65 келі) мен Марлен Мейірбекұлы (71 келі) қола жүлдегерлер қатарында.
Қазақстан жасөспірімдер құрамасының аға жаттықтырушысы — Асхат Жаңбыров.