Белгілі спорт шолушысы, Sportarena.kz сайтының бас редакторы Леонид Юрьев жазғы Азия ойындары қарсаңында боксшыларға шолу жасады, деп жазады Sportbugin.kz.
Журналист 55 келіде Азия ойындарына аттануға басты үміткер ретінде Махмұд Сабырханды атап, оның құрлық додасындағы нәтижесіне көңіл толмайтынын айтты.
«Екі дүркін әлем чемпионы биыл күтпеген жерден Азия чемпионатында алтынсыз қалды. Иә, Ұлан-Батырдағы сол жекпе-жекте төрешілікке қатысты сұрақтар болды. Бірақ Жапонияда өтетін Азия ойындарында жеребе Махмұдты жапон боксшысымен жолықтырмасына кім кепіл? Сондықтан, фавориттің қиын жекпе-жекті алып шыға алмағаны күмән тудырады. Мәселен, Азия чемпионатының жартылай финалы сияқты кездесулерді былтырғы Махмұд төрешінің қыспағына қарамастан оңай жеңетін. Өйткені, Ұлан-Батырдағы сияқты жұдырығымен ауа қармаған жоқ, керісінше, сауатты бокс көрсетіп, қарсыласын қиындықсыз ұтушы еді. Алайда, биылғы сәуірде біз Сабырханнан мұндайды көрмедік», — деп жазды Юрьев.
Айта кетелік, Махмұд Сабырхан биылғы Азия біріншілігін қола медальмен аяқтады.
About the Author
