Қазақстандық файтер Жалғас Жұмағұлов Словакияның Братислава қаласында өткен Oktagon турнирінде өнер көрсетті, деп хабарлайды Sportbugin.kz.
Отандасымыз ұйымның жеңіл салмақтағы чемпионы бразилиялық Игор Севериноға қарсы титулдық жекпе-жек өткізді. Бес раундқа жоспарланған айқастың екінші кезеңінде Северино тыйым салынған соққы жасап, оны Жалғас Жұмағұловтың шап тұсына бағыттады.
Осыдан кейін қазақстандық спортшы жекпе-жекті жалғастыра алмай, төрешілер кездесуді тоқтатуға мәжбүр болды. Нәтижесінде айқас нәтижесіз деп танылды.
Осылайша, Жалғас Жұмағұлов Oktagon ұйымындағы екінші чемпиондық белбеуін иелену мүмкіндігін пайдалана алмады.
About the Author
