Грек-рим күресінен Қазақстан құрамасының бас бапкері Қонысбек Төкенов команда алдындағы екі ірі дода жайлы өз пікірін айтты, деп жазады Sportbugin.kz.
“Грек-рим күресінен Қазақстан құрамасы алдағы уақытта Будапешттегі (Венгрия) соңғы рейтингілік турнирге қатысады. Бұл сынға жазғы Азия ойындарына қатысатын екі-үш балуан нақты барады. Одан бөлек, Германияның Дортмунд қаласында өтетін Гран-при додасына, U23 санатында өтетін Түркиядағы халықаралық жарысқа қатысамыз.
Негізі, команданың алдында екі ірі жарыс тұр, екеуін де бөліп-жара алмаймыз. Азия ойындары төрт жылда өтетін кешенді жарыс, ал әлем чемпионаты өз елімізде ұйымдастырылады. Екі бәсекенің де салмағы ауыр, жауапкершілігі жоғары. Енді команданы екіге бөліп, осы бәсекелерге дайындаймыз. Қазіргі таңда балуандар сауықтыру жиынынан өтіп жатыр. Көлденең жарақат жоқ, бәрі бірқалыпты”, — деді бас бапкер Қонысбек Төкенов.
About the Author
