Туризм және спорт вице-министрі Серік Жарасбаев қазақстандық шахматшы Бибісара Асаубаеваның қаржыландыруға қатысты мәлімдемесіне жауап берді, деп жазады Sportbugin.kz.
Оның айтуынша, 2023-2024 жылдары спортшыға шамамен 1 млн теңге көлемінде жалақы төленіп келген. Алайда 2025 жылы қабылданған заңға сәйкес басым спорт түрлерінің тізімі өзгеріп, шахмат бұл санаттан шығарылғандықтан, қаржыландыру тәртібі қайта қаралған.
Соған қарамастан, вице-министр мемлекет пен Спортты қолдау қоры арқылы Асаубаеваға жалпы
210 млн теңге көлемінде қолдау көрсетілгенін атап өтті. Оның ішінде 2024 жылы — 63 млн, 2025 жылы — 79 млн, ал 2026 жылы — 100 млн теңге бөлінген. Қосымша қаржы Қазақстан шахмат федерациясы тарапынан да қарастырылған.
Жарасбаев кейбір спортшылардың наразылығына қатысты пікір білдіре келе, жүйелі мәселе бар деген тұжырыммен келіспейтінін айтты.
«Егер бұл жүйелі проблема болса, онда мыңдаған спортшы жалақы алмадық деп шағымданар еді. Кейбір жоғары деңгейдегі спортшылар, қазақша айтқанда, «тым еркелеп кеткен». Үлкен жетістікке жеткен соң өздеріне деген талап та, көзқарас та өзгереді», — деді вице-министр.
About the Author
