Халықаралық гимнастика федерациясы (World Gymnastics) спортшыларды марапаттау рәсіміндегі тәртіп ережелеріне өзгерістер енгізді, деп жазады Sportbugin.kz.
Әнұранға қатысты 3 жаңа талап: Делегация басшысы орындалатын әнұранның дұрыстығын алдын ала растауға міндетті; Әнұранның ұзақтығы 1 минут 30 секундтан аспауы керек; Тек аспаптық нұсқасы (сөзсіз) орындалады.
Әнұран орындалған сәттегі тәртіп: Барлық қатысушылар туларға қарап тұруы тиіс; Әнұран аяқталғаннан кейін спортшылар тұғырда қалып, фотоға түсу рәсіміне қатысады; Сонымен қатар, залдың барлық жағына бұрылып, көрермендерді сәлемдеуге рұқсат етіледі.
Медаль табыстаушыларға қойылатын талаптар: Құттықтау мен қол алысу тек жүлдегер спортшылармен ғана жүзеге асырылады; Спортшыларды сүйіп құттықтауға қатаң тыйым салынады.
Тұғырдағы қатаң тыйымдар: Кез келген саяси, діни немесе нәсілдік насихатқа тыйым салынады; Баннерлер, ишаралар, жазулар немесе символикасы бар аксессуарларды көрсетуге болмайды; FIG бекітпеген туларды пайдалануға тыйым салынады (тек ресми ұлттық тулар ғана рұқсат етіледі).
Спортшылар бұл ережелерді бұзған жағдайда, олардың федерациясы тікелей қатысы болмаса да, тәртіптік және қаржылық жауапкершілікке тартылады.
About the Author
