26-29 қаңтар күндері Орал қаласында дзюдодан жасөспірімдер арасындағы Қазақстан біріншілігі өтеді, деп хабарлайды Sportbugin.kz.
Қазақстан дзюдо федерациясы таратқан ақпаратқа сүйенсек, ел чемпионатына қатысушылар саны рекордтық көрсеткішке жетті. Биылғы біріншілікке еліміздің 17 облысы мен 3 қаласынан барлығы 871 спортшы тіркелген.
2023 жылы жасөспірімдер арасындағы Қазақстан чемпионатына 818 дзюдошы қатысса, 2024 жылы 813 жас татами шебері бақ сынаған. Оған дейін ел біріншілігіне 17 командадан 700-ге жуық спортшы қатысып жүрген.
Оралда өтетін Қазақстан чемпионатында 2008-2009 жылы туған жасөспірім дзюдошылар өзара мықтыны анықтайды.